Posts

Showing posts from January, 2016

දොස්තර මල්ලීට

පුරා සයවසක් දුක් ගැහැට විඳ සුදු කබායක් පොරවගෙන නුඹ නලාවක් ගෙන කරේ දවටා කොයිද විගහින් පිය මනින්නේ නලා හඬටත් තිගැස්සෙන නුඹ රැයෙත් නිදි නැත අවදියෙන් කොතෙක් වෙහෙසත් ඉවසලා නුඹ කුමට පෙරුමන් පුරන්නේ ඇතත් පවුලක් නැතේ ඉඩකුත් රෝහලේ දිවි ගෙවෙන්නේ එකතු කරනා පිං වලින් නුඹ දිව්‍ය ලෝකය දකින්නේ රුදුරු සසරට චන්ඩිකම් කර එතෙර වන්නට ඉඩ ඇතේ පිං ඇතේ නුඹ එක්කලා හැම ආත්මය සරසනු ඇතේ කාසි මත්තෙම නොනැහෙනා නුඹ මට අගේ නුඹ මට අගේ ඉදින් හැමදා ඔයාකාරෙන් හිඳින් නුඹ මගේ මල්ලියේ.......

නුඹට කියවන්න කවි ලියමි...

නුඹව දුටු දා හීන දුටුවා අතින් එල්ලී දුරක් යන්නට මගක් ආවා ගිලිහුනා අත හීන දුටු ඒ බොඳ වෙලා අද තාම නුහුරුයි තනිකමට හිත තවම ඉල්ලයි උණුහුමට නුඹ නැතේ නුඹ අද අහල පහලක අහන්නටවත් මගේ දුක සැප එදත් ලියු කවි ඔබට පමණයි අදත් තව මං ලියමි කවි පද කොහේ හෝ හිඳ දකියි සිතමින් තවත් ගොතනෙමි නුඹට පෙනෙන්නට.....